Egurrean egindako tailak ditugu erakusketan. Urtetan zehar lantzen joandakoak dira eta orain jendartera ateratzea erabaki du azpeitiarrak. Herrerak bere kasa ikasi zuen tailagintza eta barietate handia dago artelanetan; musika, natura eta paisaiak dira batik bat haren inspirazio iturriak. Hilaren amaiera arte egongo da erakusketa.

Poxpolo ta konpainia izan ziren igandean (ekainak 16) Sanagustin kulturgunean, umeen gozagarri. 100 lagun bildu ziren.

Hemen Uztarria.com webgunean atzoko Haur eta gazteen antzerki tailerrekoen emanaldiari eginiko aipua, argazkiz lagunduta: albistea.

Bihar, zapatua, Orkatz Kultur Elkartearen 20. urteurreneko ospakizunen egitarauaren barruan, bazkalondorena girotuko duten Amamantzat guapuk bikotearen emanaldia izango dugu —gitarra lagun, bertsoa, kantuen moldaketak... egiten dituzte—. Iganderako, gaztetxoei begira antolatutako Poxpolo ta konpainia pailazoen emanaldia.

'Aulki magikoa' eta 'Eremu askea' antzezlanak aurkeztuko dizkigute haurren eta nerabeen tailerrekoek. Alaitz Olaizola gidoigile eta antzezlearekin urtean zehar sortu eta prestatu dituzten antzezlanak dira. 18:30ean hasiko dira ikuskizunak.